Гончигсумлаа сан
Л. Гончигсумлаа

Би хүүхэд болон нийгмийн сайн сайхны төлөө хөдөлмөрийнхөө он жилүүдийг зориулсан гэр бүлд өссөн. Намайг 20 нас хүрэхэд аав маань энэ ажлыг үргэлжлүүлэхийг захиж, анхны логог гараараа зурж өгч билээ. Түүнээс хойш хүүхдийн төлөө ажиллана гэж бодож явсаар 2021онд миний эрхэм хүн энэ бодлыг бодит болгоход урам зориг өгч 2022 оны 10 сарын 1-нд “Төсөөл” гар зургийн уралдаанаар “Гончигсумлаа сан”-гийн анхны төсөл хөтөлбөр эхэлсэн юм.

Монголын хүүхдийн ордонд үзэсгэлэнгээ дэлгэн, шагнал гардуулахдаа сандарч зогссон тэр саруулхан мэдрэмжээс хойш тэтгэлэгт төсөл, хөтөлбөрүүдээ хэрэгжүүлээд явж байна.

Өсвөр насандаа хүүхдүүд зүрх сэтгэл, мэдрэмжэндээ хөтлөгдөн чухал сонголтууд хийдэг. Энэ мөчид нь тэднийг сонсож, дэмжин, өөрийгөө илэрхийлэх боломжийг олгохыг хүсдэг. Би чадна гэдэг итгэл өгөх.

Тэдэнтэй хамтдаа гэрэлтэй ирээдүйг бүтээхийг тэмүүлж байна.

Л. ГончигсумлааҮүсгэн байгуулагч, Сангийн тэргүүн
Бидний тухай

Өсвөр насны хүүхдүүдийн ур чадварыг нэмэгдүүлж, өөрсдийгөө илэрхийлэх боломжийг олгох

Бид урлаг, спорт, сэтгэл зүй, гоо зүйн хөтөлбөрөөр дамжуулан өөртөө итгэх итгэлийг бий болгож, ирээдүйн чиглэлээ олоход нь дэмжлэг үзүүлдэг.

Хэрхэн ажилладаг вэ?

Бүртгэлээс тэтгэлэг хүртэл — 5 үе шат

  1. 01Төсөл хөтөлбөр эхэлнэХөтөлбөрөө “Гончигсумлаа сан”-гийн цахим хуудсуудаар болон ЕБС-ын мэдээллийн самбарт төслийн постер хэвлэл байршдаг.
  2. 02Төслийн бүртгэл 30 хоног үргэлжилнэЕБС-ийн өсвөр насны сурагчдад зориулсан хөтөлбөр байдаг учир бүртгэлийг нэг сарын турш хүлээн авдаг.
  3. 03Эх хэл дээрх эсээ бичвэрМанай сангийн төсөл, хөтөлбөр бүр өөрийгөө илэрхийлэх эссэ бичвэрийг хөтөлбөрийнхөө гол сонгох шалгуур болгодог.
  4. 04Сонгон шалгаруулалтТөсөл хөтөлбөрт бүртгүүлсэн нийт хүүхдүүдээс хамтрагч байгууллага, хөтөлбөрт танилцуулсан шүүгч нар тэтгэлэг олгох хүүхдүүдийг сонгон шалгаруулдаг.
  5. 05Мөнгөн тэтгэлэгГончигсумлаа сангийн мөнгөн тэтгэлгийг 'Капитрон банк'-ны хугацаатай хадгаламжийн дансаар олгодог ба орон нутгаас хөтөлбөрт шалгарсан сурагчдын замын зардлыг санхүүжүүлдэг.
Бидний тухай

Өсвөр насандаа өөрийгөө таньж мэдээд, дуртай зүйлээ олох

Өсвөр насныхныг өөрийгөө нээх, сонирхлоороо нэгдэж шинэ найз нөхөдтэй болох, бие биенээ дэмжин хамтдаа хөгжихөд нь бид төсөл хөтөлбөрөөрөө дамжуулан чиглүүлдэг.

Хандивын багц үзэхНээлттэй төслүүд харах